کیہ جاناں میں کون....

نہ میں صافی ، نہ میں صوفی..... نہ میں جاناں رفض  نصب نوں نہ میں شامی ، نہ میں کوفی..... نہ میں جاناں قدر  کسب نوں نہ میں سبق فقہ دا پڑھیا........ نہ میں سانگ مذہب دا بھریا نہ میں جاناں شرق غرب نو...

نیویں لوک نے جنے ـــــــــــــــــــــپنجابی غزل

پنجابی غزل نیویں لوک نیں۔۔ جنے سارے اُچے کوٹھے ۔۔۔۔ پائی جاندے اندروں اندری ۔۔لُٹ کے حاکم باہرو باہر ۔۔ ۔۔ گھلائی جاندے کُھلیاں کرن نوں ۔۔محلاں اپنیاں ساڈی ڈھاری۔۔ ڈھائی جاندے کُرسی خاطر ۔۔مرگئے جیہڑے اوہ وی شہید ۔۔کہوائی جاندے آپ نے سُندے۔۔ آنند بھیرویں سانوں بِین ۔۔۔۔ سُنائی جاندے فلک شیر​

غزل : جتھے تیرے پَیر او بیلی

 غزل جتھے تیرے پیر او بیلی اوتھے شالا خیر او بیلی لیڈر کردے مِٹھیاں گلّاں مینوں لگن زہر او بیلی ہووے گا کدی راوی دریا ہُن وچارا ۔۔۔ نہر او بیلی لمّے سوکے ۔۔ مارُو پانی وَنّ سَوَ نّے ۔۔ قہر او بیلی راہ میری وِچ وِچھے پینڈا نالے آکھے ۔۔۔ ٹھہر او بیلی وِچ چَناں جنے سوہنی روڑھی دل وچ اُٹھی ، لہر او بیلی شیراں دے ہُن ہرن شکاری جنگل ہویا ۔۔ شہر او بیلی فلک شیر

رُکھ تے پَتر

رُکھ تے پتر بہار آوے رُکھ پُنگرے پُھل کِھڑے گُڑھکن پھوٹاں کنبن چھمکاں نال ادا دے ڈاہناں اُتے مارن ہانگرے ویکھ کے وا نوں اِک رُکھ دے اِک لکھ پَتر اِکو پیو دے سارے پُتر پت جھڑ آوے بُلہاں اُتے موت دی سُرخی ناگاں وانگوں شُوکے وا رُکھ دے اُتے اِکو پَتر کلا پیو تے کلا پُتر پاندے جپھیاں اِک دوجے نوں نالے دَسن اپنی سدھر ہوون جیویں سکے مِتر فلک شیر